ഹൈന്ദവ വിശ്വാസപ്രകാരം, സന്ധ്യാനേരം ഈശ്വരപ്രാർഥനയ്ക്കും നാമജപത്തിനും ഉത്തമമായ സമയമാണ്. വൈകുന്നേരം ആറിനും ഏഴിനും ഇടയിലുള്ള സമയം സന്ധ്യാദീപം തെളിയിക്കാനും ഈശ്വരനാമങ്ങൾ ജപിക്കാനും ഏറ്റവും അനുയോജ്യമായി കണക്കാക്കപ്പെടുന്നു. ഈ സമയത്ത് ചില ചിട്ടകളും നിയമങ്ങളും പാലിക്കുന്നത് കുടുംബത്തിൽ സർവൈശ്വര്യങ്ങളും സമാധാനവും നിറയ്ക്കാൻ സഹായകമാകുമെന്നാണ് പണ്ടുമുതലേയുള്ള വിശ്വാസം.
സന്ധ്യയ്ക്ക് മുന്നേതന്നെ വീടും പരിസരവും തൂത്തുവാരി ശുചിയാക്കുകയും തുളസിവെള്ളമോ ഉപ്പുവെള്ളമോ തളിച്ച് ശുദ്ധി വരുത്തുകയും വേണം. ശേഷം, ശരീരശുദ്ധി വരുത്തി നിലവിളക്ക് തെളിയിക്കാൻ തയ്യാറാകണം. നിലവിളക്ക് ഒരുക്കുന്ന സമയത്ത് "സര്വമംഗളമംഗല്യേ ശിവേ സര്വാര്ഥസാധികേ ശരണ്യേ ത്ര്യംബകേ ഗൗരീ നാരായണി നമോസ്തുതേ" എന്ന് ജപിക്കുന്നത് ഉത്തമമാണ്. നിലവിളക്കിന് മുന്നിൽ വാൽക്കിണ്ടിയിൽ ശുദ്ധജലവും, തട്ടത്തിൽ പൂക്കളും, അഗർഭത്തിയും ഉണ്ടായിരിക്കണം. എള്ളെണ്ണ ഒഴിച്ച നിലവിളക്കിൽ കൈകൂപ്പുന്ന രീതിയിൽ ഇരുവശത്തേക്കും തിരിയിട്ട്, ആദ്യം പടിഞ്ഞാറുഭാഗത്തും ശേഷം കിഴക്കുഭാഗത്തും ദീപം കൊളുത്തണം.
സന്ധ്യാനേരം കഴിയുന്നത് വരെ കുടുംബാംഗങ്ങൾ വിളക്കിന് മുന്നിലിരുന്ന് നാമം ജപിക്കണം. വെറും നിലത്തിരുന്ന് നാമജപം പാടില്ല. പുൽപ്പായയിലോ മറ്റോ ചമ്രംപടിഞ്ഞിരുന്ന് വേണം ജപം നടത്താൻ. കീർത്തനങ്ങളും മന്ത്രങ്ങളും ജപത്തിൽ ഉൾപ്പെടുത്തുന്നത് അത്യുത്തമമാണ്. സന്ധ്യാസമയത്ത് ഭക്ഷണം തയ്യാറാക്കുന്നതും കഴിക്കുന്നതും, കുളിക്കുന്നതും, തുണികഴുകുന്നതും, വീട് വൃത്തിയാക്കുന്നതും, പണം നൽകുന്നതും, ധാന്യമോ എണ്ണയോ കൈമാറുന്നതും, വിനോദ വ്യായാമങ്ങളിൽ ഏർപ്പെടുന്നതും ഒഴിവാക്കണമെന്നാണ് വിശ്വാസം. കൂടാതെ, ഈ സമയത്ത് വീട്ടിൽ കലഹമുണ്ടാക്കുന്നതും പുറത്തുപോകുന്നതും ഒഴിവാക്കണം.
നാമജപം ആരംഭിക്കുന്നതിന് മുൻപ് ഗണപതി, സരസ്വതി, ഗുരു എന്നിവരെ വന്ദിക്കുന്നത് ശ്രേഷ്ഠമാണ്. "ഓം നമഃശിവായ", "ഓം നമോ നാരായണായ" എന്നീ മന്ത്രങ്ങൾ 108 തവണ ജപിക്കുന്നത് അത്യുത്തമമാണ്. ഇവ കൂടാതെ, കഴിയുന്നത്ര ഈശ്വരനാമങ്ങളും മന്ത്രങ്ങളും ജപിക്കുന്നത് നല്ലതാണ്. എല്ലാ ദിവസവും സന്ധ്യാനേരത്ത് മുടങ്ങാതെ ഈ നാമങ്ങളും മന്ത്രങ്ങളും ജപിക്കാൻ ശ്രമിക്കുന്നത് കുടുംബത്തിൽ സമാധാനവും ഐശ്വര്യവും നിലനിർത്താൻ സഹായിക്കും.
സന്ധ്യയ്ക്ക് മുന്നേതന്നെ വീടും പരിസരവും തൂത്തുവാരി ശുചിയാക്കുകയും തുളസിവെള്ളമോ ഉപ്പുവെള്ളമോ തളിച്ച് ശുദ്ധി വരുത്തുകയും വേണം. ശേഷം, ശരീരശുദ്ധി വരുത്തി നിലവിളക്ക് തെളിയിക്കാൻ തയ്യാറാകണം. നിലവിളക്ക് ഒരുക്കുന്ന സമയത്ത് "സര്വമംഗളമംഗല്യേ ശിവേ സര്വാര്ഥസാധികേ ശരണ്യേ ത്ര്യംബകേ ഗൗരീ നാരായണി നമോസ്തുതേ" എന്ന് ജപിക്കുന്നത് ഉത്തമമാണ്. നിലവിളക്കിന് മുന്നിൽ വാൽക്കിണ്ടിയിൽ ശുദ്ധജലവും, തട്ടത്തിൽ പൂക്കളും, അഗർഭത്തിയും ഉണ്ടായിരിക്കണം. എള്ളെണ്ണ ഒഴിച്ച നിലവിളക്കിൽ കൈകൂപ്പുന്ന രീതിയിൽ ഇരുവശത്തേക്കും തിരിയിട്ട്, ആദ്യം പടിഞ്ഞാറുഭാഗത്തും ശേഷം കിഴക്കുഭാഗത്തും ദീപം കൊളുത്തണം.
സന്ധ്യാനേരം കഴിയുന്നത് വരെ കുടുംബാംഗങ്ങൾ വിളക്കിന് മുന്നിലിരുന്ന് നാമം ജപിക്കണം. വെറും നിലത്തിരുന്ന് നാമജപം പാടില്ല. പുൽപ്പായയിലോ മറ്റോ ചമ്രംപടിഞ്ഞിരുന്ന് വേണം ജപം നടത്താൻ. കീർത്തനങ്ങളും മന്ത്രങ്ങളും ജപത്തിൽ ഉൾപ്പെടുത്തുന്നത് അത്യുത്തമമാണ്. സന്ധ്യാസമയത്ത് ഭക്ഷണം തയ്യാറാക്കുന്നതും കഴിക്കുന്നതും, കുളിക്കുന്നതും, തുണികഴുകുന്നതും, വീട് വൃത്തിയാക്കുന്നതും, പണം നൽകുന്നതും, ധാന്യമോ എണ്ണയോ കൈമാറുന്നതും, വിനോദ വ്യായാമങ്ങളിൽ ഏർപ്പെടുന്നതും ഒഴിവാക്കണമെന്നാണ് വിശ്വാസം. കൂടാതെ, ഈ സമയത്ത് വീട്ടിൽ കലഹമുണ്ടാക്കുന്നതും പുറത്തുപോകുന്നതും ഒഴിവാക്കണം.
നാമജപം ആരംഭിക്കുന്നതിന് മുൻപ് ഗണപതി, സരസ്വതി, ഗുരു എന്നിവരെ വന്ദിക്കുന്നത് ശ്രേഷ്ഠമാണ്. "ഓം നമഃശിവായ", "ഓം നമോ നാരായണായ" എന്നീ മന്ത്രങ്ങൾ 108 തവണ ജപിക്കുന്നത് അത്യുത്തമമാണ്. ഇവ കൂടാതെ, കഴിയുന്നത്ര ഈശ്വരനാമങ്ങളും മന്ത്രങ്ങളും ജപിക്കുന്നത് നല്ലതാണ്. എല്ലാ ദിവസവും സന്ധ്യാനേരത്ത് മുടങ്ങാതെ ഈ നാമങ്ങളും മന്ത്രങ്ങളും ജപിക്കാൻ ശ്രമിക്കുന്നത് കുടുംബത്തിൽ സമാധാനവും ഐശ്വര്യവും നിലനിർത്താൻ സഹായിക്കും.
Hashtags: #സന്ധ്യാദീപം #ഹിന്ദുമതം #ആചാരങ്ങൾ #ഐശ്വര്യം #കുടുംബം #പ്രാർത്ഥന #ഈശ്വരചിന്ത #സായാഹ്നം #SandhyaDeepam #HinduRituals #Prosperity #KeralaCulture
0 Comments